Puisi Madhura

(1)
"Jhung-jhung Badhan"

Jhung rojung tadha' pate e jhung-jhung

Abilla aba' kadhang ta' apajhung

kaprana ate sajhan tamba bingung

ta' tao apa se dhaddhi pangrasa

aba' odhi' kadhang ta' aromasa

Ghali ate tor petteng pekker

se e kangen-angen ghun coma

cangker, leper, terro aesse

ta' ngabas paghar tombu

ta' ngedhingaghi we-rowe amonyi

tadha'... sakale

ma' pas tengel, ... kopok ...

padhana ta' andhi' kopeng

Ya... Allah ghuste,...

papote ate,

baccowe paberse

manossa se laen

padha terro ajhung-jhung badhan

ka angghuy sangona pate.

(2)

"Ta' Meddhas"

Jaman ampon ta' dhapor

bannya' kalakowan se ta' atoro' okor

pekkerra ampon ancor ambung ta' karowan

Ta' meddhas ka baburugan tor agama

Jujur ampon lontor

bila jujur ampo mate' ngonjur

coma dunnya se egabay pangalebur

aserro bila ta'mojur

Ta' meddhas ka atoran tor paedu

Jajal eyatore addu sabbar

ja' pas nyare onggha tape ta' asalebbar

ca' na todhus tape ngandhus

ngako iman tape nyare se nyaman

Sango odhi' banni sango pate

sango pate kodhu pangastete

bila odhi' coma arongrong

lorong se kosong sajan e pamesong

Estona enga' aba' ampon sala okor

mesong tor-tabentor

ta' eddhep ....

arapa ma' pagghun nyalontor

mayu cokor pekker se ta' akor

ma' le daddhi oreng se adab asor

ja' ghun coma nyare kasohor

tako' nyaba ta' kowat ngeba

badhan se ampon ta' dhapor

pas nyengla ta' amet

ta' ngiba barang baghus tor iman